OCYM News

നിരണം പള്ളിയിൽ തേവോദോസിയോസ് തിരുമേനിയുടെ ഓർമ്മ പെരുന്നാളിനോട് അനുബന്ധിച്ചു നിരണം യുവജന പ്രസ്ഥാനത്തിന്റെ ജീവകാരുണ്യ പദ്ധതി തേവോദോസിയോസ് ചികിത്സ സഹായ നിധി കൽക്കട്ട ഭദ്രാസനാധിപൻ അഭി : ജോസഫ് മാർ ദിവന്നാസിയോസ്, മെത്രാപോലിത്ത ഉൽഘടനം ചെയ്തു.

കുവൈറ്റ് അഹ്മദി സെന്റ് തോമസ് ഇന്ത്യൻ ഓർത്തോഡോക്സ് യുവജന പ്രസ്ഥാനത്തിന്റെ നേതൃത്വത്തിൽ എല്ലാവർഷവും നടത്തി വരാറുള്ള ചിത്രരചന മത്സരം VIBGYOR 2016 15-08-2016 ൽ മംഗഫ് ഇന്ദ്രപ്രസ്ഥ ഹാളിൽ (OVBS ഹാൾ) 5:00 PM മുതൽ 6:30 PM വരെ നടത്തപ്പെടുന്നതായിരിക്കും..
മത്സരത്തിൽ പങ്കെടുക്കുവാൻ താല്പര്യപ്പെടുന്ന എല്ലാ കുട്ടികളും www.orthodoxchurchahmadi.org എന്ന വെബ്‌സൈറ്റിൽ രജിസ്റ്റർ ചെയ്യേണ്ടതാണ്. കൂടുതൽ വിവരങ്ങൾക്കായി ബന്ധപ്പെടുക: ലിജോയ് ജോൺ കോശി-99015254 , മനുമോനച്ചൻ-97023784, ജിജിൻ ജിബോയ്- 69022963.

Abin P Kurian of St Mary’s OCYM ,Karatukkunel, Manarcad, Kottayam Diocese received best N. S. S Volunteer Award 2015-2016 of M G University.

Heartiest Congratulations !!!

താഴത്തങ്ങാടി മാർ ബസേലിയോസ് മാർ ഗ്രീഗോറിയോസ് ഓർത്തഡോക്സ് പള്ളിയിലെ മാർ ബേസിൽ യുവജനപ്രസ്ഥാനം ‘ഹെക്കംതൊ’ (ജ്ഞാനം/Wisdom) എന്ന പേരിൽ ത്രൈമാസിക പുറത്തിറക്കി. സഭയിലെ സീനിയർ വൈദീകരിൽ ഒരാളായ സി.ജെ.പുന്നൂസ് കോർഎപ്പിസ്കോപ്പ അച്ചനിൽ നിന്നും സഭാ മാനേജിംഗ് കമ്മിറ്റി അംഗവും OCYM മുൻ ഭദ്രാസന സെക്രട്ടറിയുമായിരുന്ന A.K.ജോസഫ് ആദ്യപ്രതി സ്വീകരിച്ചുകൊണ്ട് പ്രകാശന കർമ്മം നിർവഹിച്ചു. ‘ഹെക്കംതൊ’ ചീഫ് എഡിറ്റർ സുവിൻ കെ വർഗ്ഗീസ്, OCYM റീജണൽ & യൂണിറ്റ് സെക്രട്ടറി ഷിജോ കെ മാത്യു, ഇടവക വികാരി സൈബു സക്കറിയ അച്ചൻ, ഇടവക സെക്രട്ടറി K.V.തോമസ്, ട്രസ്റ്റി സാബു കെ.ജോൺ എന്നിവർ സമീപം.

പുത്തൂര്‍ : കൊല്ലം ഭദ്രാസന യുവജന പ്രസ്ഥാനത്തിന്റെ നേതൃത്വത്തില്‍ ” സ്വാതന്ത്ര്യ ദിന സ്നേഹ സാഹോദര്യ ജ്വാല ” സങ്ങടിപ്പിക്കുന്നു.. ഓഗസ്റ്റ്‌ 15 തിങ്കളാഴ്ച ഉച്ചക്ക് പഴവറ കാരിക്കല്‍ സൈന്റ്റ്‌ ജോര്‍ജ് ഓര്‍ത്തഡോക്‍സ്‌ കുരിശടിയില്‍ നിന്നും ആരംഭിക്കുന്ന സത്ബോധന റാലി പുത്തൂര്‍ വലിയ പള്ളിയില്‍ എത്തി ചേരുകയും തുടര്‍ന്ന് സാമൂഹിക ,സാമുദായിക , രാഷ്ട്രീയ മേഖലയിലെ പ്രമുഘര്‍ പങ്കെടുക്കുന്ന പൊതു സമ്മേളനവും നടക്കുന്നതാണ്.

ഓർത്തോഡോക്സ് ക്രൈസ്തവ യുവജന പ്രസ്ഥാനം 80-മത് അന്തർ ദേശീയ സമ്മേളനം അഹമ്മദാബാദ് ഭദ്രാസനത്തിന്റെ ആഭിമുഖ്യത്തിൽ സെപ്റ്റംബർ 30, ഒക്ടോബർ 1, 2 തീയതികളിൽസഭാജ്യോതിസ് പുലിക്കോട്ടിൽ ജോസഫ് മാർ ദിവന്നാസിയോസ് ഒന്നാമൻ നഗറിൽ നടത്തപ്പെടുന്നു.

മലങ്കര ഓർത്തോഡോക്സ് സഭ  സഭാജ്യോതിസ് പുലിക്കോട്ടിൽ ജോസഫ് മാർ ദിവന്നാസിയോസ് ചരമ ദ്വിശതാബ്‌ദിയോട് അനുബന്ധിച്ഛ്, അഖില മലങ്കര വൈദീക സംഗമം കുന്നംകുളം ഭദ്രാസനത്തിലെ പഴഞ്ഞി സെന്റ് മേരീസ് കത്രീഡറിൽ നടത്തപ്പെടുന്നു. അഭിവന്ദ്യ പിതാക്കന്മാരും, വൈദീകരും പങ്കെടുക്കുന്നു. ദിവസം 2016 ആഗസ്ത് 18.

ന്യൂ ഡല്‍ഹി : ഡല്‍ഹി ഭദ്രാസന യുവജനപ്രസ്ഥാനത്തിന്‍റെ നേതൃത്വത്തില്‍ നടത്തപ്പെടുന്ന തലമുറ സംഗമം 2016-ന്‍റെ ഉദ്ഘാടനം 2016 ജൂണ്‍ 14-ന് കോട്ടയം പഴയ സെമിനാരിയില്‍ പരിശുദ്ധ കാതോലിക്കാ ബാവാ നിര്‍വഹിക്കും. ഡല്‍ഹി ഭദ്രാസനാധിപന്‍ അഭി.ഡോ.യൂഹാനോന്‍ മാര്‍ ദിമെത്രയോസ് , യുവജനപ്രസ്ഥാനം പ്രസിഡന്‍റ് അഭി.യൂഹാനോന്‍ മാര്‍ പോളിക്കാര്‍പ്പസ്, മറ്റ് വിശിഷ്ട വ്യക്തികള്‍ എന്നിവരും ചടങ്ങില്‍ സന്നിഹിതരായിരിക്കും. ഇത് രണ്ടാം തവണയാണ് ഡല്‍ഹി ഭദ്രാസന യുവജനപ്രസ്ഥാനം തലമുറസംഗമം സംഘടിപ്പിക്കുന്നത്. ഡല്‍ഹി ഭദ്രാസനത്തില്‍ മുമ്പ് പ്രവര്‍ത്തിച്ചതിനു ശേഷം, കേരളത്തിലും രാജ്യത്തിന്‍റെ മറ്റ് ഇടങ്ങളിലുമായി പാര്‍ക്കുന്നവരും, ഡല്‍ഹിയില്‍ ഇപ്പോള്‍ പ്രവര്‍ത്തിക്കുന്നവരുമായ വൈദികരും അത്മായരും ഒത്തുചേരുന്ന അപൂര്‍വവേദിയാണ് തലമുറസംഗമം. ഭാരതത്തിന്‍റെ തലസ്ഥാന നഗരിയായ ഡല്‍ഹിയില്‍ എളിയ രീതിയില്‍ പ്രവര്‍ത്തനമാരംഭിച്ച ഈ ഭദ്രാസനം ഇന്ന് അഭൂതപൂര്‍വമായ വളര്‍ച്ചയുടെ പാതയിലാണ്. ഡല്‍ഹിയില്‍ മാത്രം 13 ഇടവകകളും ഭദ്രാസനാടിസ്ഥാനത്തില്‍ 61 ഇടവകകളുമായി ഇന്ന് മലങ്കര സഭയിലെ മുന്‍നിര ഭദ്രാസനമായി മാറിയിരിക്കുകയാണ് ഡല്‍ഹി ഭദ്രാസനം. ഡല്‍ഹിക്കു പുറമേ ഉത്തര്‍പ്രദേശ്, രാജസ്ഥാന്‍, ഹരിയാന എന്നീ സംസ്ഥാനങ്ങളിലും വിദേശത്ത് യു.എ.ഇ. എന്നിവിടങ്ങളിലുമായാണ് ഇടവകകള്‍ സ്ഥിതി ചെയ്യുന്നത്. വിശ്വാസികള്‍ക്കും അതോടൊപ്പംതന്നെ സാധാരണക്കാര്‍ക്കും മികച്ച സേവനം നല്‍കുന്ന നിരവധി വിദ്യാഭ്യാസ സ്ഥാനങ്ങളും, ആതുരാലയങ്ങളും ഇന്ന് ഡല്‍ഹി ഭദ്രാസനത്തില്‍ സഭയ്ക്കുണ്ട്. ഭദ്രാസനത്തിന്‍റെ വളര്‍ച്ചയില്‍ അഭി.തിരുമേനിമാരുടെയും വൈദികരുടെയും വിശ്വാസികളുടെയും അക്ഷീണ പ്രയത്നം ഉണ്ടെന്നുള്ളത് വിസ്മരിക്കുവാനാവില്ല. നിരവധി ആദ്ധ്യാത്മിക പ്രസ്ഥാനങ്ങളും ഭദ്രാസനത്തില്‍ സ്തുത്യര്‍ഹമായി പ്രവര്‍ത്തിച്ചുവരുന്നു. എല്ലാറ്റിന്‍റെയും മുന്നണിപ്പോരാളിയായി ഓര്‍ത്തഡോക്സ് ക്രൈസ്തവ യുവജനപ്രസ്ഥാനത്തിന്‍റെ നേതൃത്വത്തില്‍ ചാരിറ്റി പോലുള്ള വിവിധങ്ങളായ ധാരാളം പ്രവര്‍ത്തനങ്ങള്‍ കാഴ്ചവച്ചുവരുന്നു. അതിലൊന്നായിരുന്നു. 2011 ല്‍ പരുമല സെമിനാരിയില്‍ വെച്ച് നടത്തിയ തലമുറ സംഗമം എന്ന പരിപാടി. ഭദ്രാസനത്തിന്‍റെ ചരിത്രത്തില്‍ ഇത്തരമൊരു കൂടിച്ചേരല്‍ ആദ്യ അനുഭവമായിരുന്നു. ഭദ്രാസനത്തില്‍ മുമ്പ് പ്രവര്‍ത്തിച്ചതിനുശേഷം കേരളത്തിലും മറ്റ് ഇടങ്ങളിലുമായി വിശ്രമ ജീവിതം നയിക്കുന്ന വൈദികരെയും വിശ്വാസികളെയും ഒന്നിച്ച് കൊണ്ടുവരുവാനും, അവരെ ആദരിക്കുകയും, പരസ്പരമുള്ള ആശയവിനിമയം സാധ്യമാക്കുകയും ചെയ്തു. തലമുറ സംഗമം 2016 ഇത്തവണ, ഭദ്രാസനത്തിന്‍റെ ആദ്യ മെത്രാപ്പോലിത്തയായ കാലം ചെയ്ത ഡോ.പൗലൊസ് മാര്‍ ഗ്രീഗോറിയോസിന്‍റെ കബറിടം സ്ഥിതി ചെയ്യുന്ന കോട്ടയം പഴയ സെമിനാരിയില്‍വെച്ച് ജൂണ്‍ 14-രാവിലെ 9.30ന് ആരംഭിക്കും. തലമുറ സംഗമത്തിന്‍റെ വിജയത്തിനായി യുവജനപ്രസ്ഥാനം ഭദ്രാസന വൈസ് പ്രസിഡന്‍റ് ഫാ.അജു ഏബ്രഹാം, സെക്രട്ടറി സാമുവല്‍ ജോര്‍ജ്ജ് ട്രഷറാര്‍ അനില്‍ ജോര്‍ജ്ജ് പ്രോഗ്രാം കണ്‍വീനര്‍ റോണി വി. സ്കറിയ , ഷിജു ദാനിയേല്‍ എന്നിവരുടെ നേതൃത്വത്തില്‍ കമ്മറ്റി പ്രവര്‍ത്തിച്ചുവരുന്നു. തലമുറസംഗമം 2016 ന്‍റെ തീം സോംഗ് ആധാരമാക്കി നിര്‍മിച്ച പ്രമോഷണല്‍ വീഡിയോ ഇതിനോടകം റിലീസ് ചെയ്തുകഴിഞ്ഞു. ഭദ്രാസനത്തിലെ സ്കൂള്‍ ഓഫ് സേക്രഡ് മ്യൂസിക് വിംഗ് ആണ് തീം സോംഗ് അവതരിപ്പിച്ചിരിക്കുന്നത്. ഗാനം എഴുതിയിരിക്കുന്നത് ജീബോ ജി. കുളത്തുങ്കല്‍ സംഗീതം തോമസ് ഏലിയാസ്. വീഡിയോ എഡിറ്റിംഗ് നിര്‍വഹിച്ചിരിക്കുന്നത് ബിജിമോന്‍ പൂമുറ്റം (ഗ്രീഗോറിയന്‍ ടി.വി.) ആണ്. പ്രമോഷണല്‍ വീഡിയോ ആല്‍ബം കാണുവാനായി ഇവിടെ ക്ലിക്ക് ചെയ്യുക ( https://youtu.be/b8yPRMuAUfs ). തലമുറ സംഗമം 2016 തല്‍സമയം സംപ്രേഷണം ചെയ്യുന്നത് മലങ്കര ഓര്‍ത്തഡോക്സ് സഭയുടെ ഔദ്യോഗിക വെബ് ടി.വി ആയ ഗ്രീഗോറിയന്‍ ടി.വി. ആണ്. വിലാസം Gregorian TV ( www.orthodoxchurch.tv )