Month: June 2023

പൗരസ്ത്യ കാതോലിക്കയും മലങ്കര മെത്രാപ്പോലീത്തയും ഇടവക മെത്രാപ്പോലീത്തയുമായ മോറാൻ മാർ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ കണ്ടനാട് വെസ്റ്റ് ഭദ്രാസനത്തിലെ മണ്ണൂക്കുന്ന് കത്തീഡ്രൽ ദേവാലയത്തിന്റെ നവീകരിച്ച വി. മദ്ബഹായിൽ പ്രഥമ ബലി അർപ്പിക്കുകയും ഒപ്പം കത്തീഡ്രലിൽ പരി. ബാവാ തിരുമേനിക്കും, അഭി. മെത്രാപ്പോലീത്തൻമാർക്കുമായിട്ടുള്ള നവീകരിച്ച വിശ്രമ മുറി മെത്രാപ്പോലീത്തൻ സ്യൂട്ട് ന്റെ ഉദ്ഘാടനവും, കത്തീഡ്രൽ യുവജനപ്രസ്ഥാനത്തിന്റെ നവീകരിച്ച ഓഫീസ് മുറിയുടെ ഉദ്ഘാടനവും
പരി. ബാവ നിർവഹിക്കുകയുണ്ടായി.
വികാരി റവ. ഫാ. റോബിൻ മർക്കോസ്, സഹ വികാരി റവ. ഫാ. സുബിൻ ആൻഡ്രൂസ്, ഭദ്രാസന സെക്രട്ടറി റവ. ഫാ. ജോസ് തോമസ്, മുൻ സഹവികാരി റവ. ഫാ. ഡോ. ടി.പി. ഏലിയാസ്, കത്തീഡ്രൽ ട്രസ്റ്റിമാർ, സെക്രട്ടറി, മാനേജിംഗ് കമ്മിറ്റിയംഗങ്ങൾ, യുവജനപ്രസ്ഥാന അംഗങ്ങൾ, മറ്റ് ആത്മീയ സംഘടനാ അംഗങ്ങളും, വിശ്വാസികളും പങ്കാളികളായി.
യുവജനപ്രസ്ഥാനം സ്റ്റാളിൽ നിന്നും എണ്ണ,തിരി, മദ്ബഹ തിരി,കുന്തിരിക്കം, മുത്തുക്കുടകൾ, ധൂപക്കുറ്റി, സ്ലീബ, പ്രാർത്ഥനാ പുസ്തകങ്ങൾ, ആത്മീയ ലേഖനങ്ങൾ എന്നിവ ലഭിക്കുന്നതും കൂടാതെ പള്ളിയിലേക്കുള്ള വഴിപാട് സാധനങ്ങളുടെ ഓർഡറും സ്വീകരിക്കുന്നതാണ്.
ഭദ്രാസന ജീവകാരുണ്യ പ്രസ്ഥാനമായ പ്രതിഭാ യൂണീറ്റിൽ നിന്നും ഉൽപ്പാദിപ്പിക്കുന്ന 100% ശുദ്ധവും, അഗ്മാർക്ക് മുദ്രയുള്ളതുമായ എല്ലാവിധ പ്രതിഭ കറി പൗഡറുകളും ലഭ്യമാണ് .

2023 അധ്യായന വർഷത്തെ സ്കൂൾ പ്രവേശനോത്സവങ്ങളുടെ ഭാഗമായി പള്ളിയുടെ സമീപമുള്ള

H. S. Ramamangalam

Govt. U. P. School Memuri

Govt. L. P. School Ooramana East

Govt. Higher Secondary School Ooramana

എന്നീ സ്കൂളുകളിലെ ചുമതലപ്പെട്ടവർ കുറച്ച് പഠനോപകരണങ്ങളുടെ ആവശ്യം അറിയിച്ചപ്പോൾ നോട്ടുബുക്കുകൾ, ബാഗുകൾ, യൂണിഫോം, തുടങ്ങി ഓരോ സ്കൂളുകളിലെയും സാഹചര്യങ്ങൾ മനസ്സിലാക്കി നൂറോളം കുഞ്ഞുങ്ങൾക്ക് വിദ്യാദീപം 2023 പദ്ധതിയുടെ ഭാഗമായി പഠനോപകരണങ്ങൾ വിതരണം ചെയ്യാൻ സാധിച്ചത് ദൈവകൃപകൊണ്ട് മാത്രമാണ്.

ഓ സി വൈ എം കൊച്ചി ഭദ്രാസനത്തിന്റെ സ്പോർട്സ് മീറ്റ് 2023 ഏപ്രിൽ മെയ് മാസങ്ങളിൽ വച്ച് നടത്തപ്പെടുകയുണ്ടായി. ഫുട്ബോൾ, ബാഡ്മിൻറൺ സിംഗിൾസ്, ബാഡ്മിൻറൺ  ഡബിൾസ് എന്നീ ഇനങ്ങളിൽ  യുവതികളെ യുവാക്കളെയും ഉൾക്കൊള്ളിച്ച് മത്സരങ്ങൾ നടത്തുകയുണ്ടായി എന്ന് കൊച്ചി ഭദ്രാസന വൈസ് പ്രസിഡൻറ് പോൾ ജോർജ് അച്ഛൻ, കൊച്ചി ഭദ്രാസന ജനറൽ സെക്രട്ടറി ദിയേറി പി ജോയ്, എറണാകുളം റീജിയൻ പ്രസിഡൻറ് ആൻഡ് സ്പോർട്സ് കമ്മിറ്റി  ഇൻചാർജ് ബെന്നി ഡേവിഡ് എന്നിവർ അറിയിച്ചു.  ചിത്രം: റാക്കറ്റ് ക്ലബ് ബാഡ്മിൻറൺ ഫോർട്ട് കൊച്ചിയിൽ നിന്നുമുള്ള സമ്മാനദാന ദൃശ്യം . വിജയികൾ, ഭദ്രാസന-കേന്ദ്ര യുവജന കമ്മിറ്റി അംഗങ്ങൾ എന്നിവർ സമീപം.

മുംബൈ – നാഷ്ണൽ കൗൺസിൽ ഓഫ് ചർച്ചസ് ഇൻ ഇൻഡ്യയുടെ പ്രസിഡന്റായും ക്രിസ്ത്യൻ സർവീസ് ഏജൻസി ചെയർമാനായും നിയമിതനായ  മലങ്കര ഓർത്തഡോക്സ് സുറിയാനി സഭയുടെ കുന്നംകുളം ഭദ്രാസനാധിപനും ഓർത്തഡോക്സ് ക്രൈസ്തവ യുവജനപ്രസ്ഥാനം അധ്യക്ഷനുമായ അഭി.ഡോ.ഗീവർഗ്ഗീസ് മാർ യൂലിയോസ് മെത്രാപ്പോലീത്തായെ (CASA – Churches Auxiliary for Social Action ). ” കാസ” വെസ്റ്റ് സോണിന്റെ മീറ്റിംഗിൽ വെച്ച് കാസാ ഡയറക്ടർ ഡോ. സുഷാന്ത് അഗർവാളും റീജിയണൽ സെക്രട്ടറി കെ.വി.തോമസും ബോർഡ് മെമ്പേഴ്സും ചേർന്ന് അനുമോദിച്ചു. വെസ്റ്റ് സോൺ പേഴ്സണൽ  കമ്മറ്റിയുടെ അധ്യക്ഷനായി അഭി.ഡോ. ഗീവർഗീസ് മാർ യൂലിയോസ് മെത്രാപ്പോലീത്തായെ തെരഞ്ഞെടുക്കുകയും ചെയ്തു. നാല് വർഷത്തേക്കാണ് അധ്യക്ഷന്റെ  നിയമനം.സാമൂഹിക പ്രവർത്തനത്തിനു വേണ്ടിയുള്ള സഭകളുടെ സംയുക്ത സംഘടനയാണ് കാസ. 1947 – ൽ ആരംഭിച്ച “കാസാ ” യുടെ ആസ്ഥാനം ന്യൂഡൽഹിയാണ്.

മലങ്കര ഓർത്തഡോക്സ് സുറിയാനി സഭയുടെ കുന്നംകുളം ഭദ്രാസന മെത്രാപോലീത്തയും ക്രൈസ്തവ യുവജന പ്രസ്ഥാനത്തിന്റെ അധ്യക്ഷനുമായ അഭിവന്ദ്യ ഡോ. ഗീവർഗീസ് മാർ യൂലിയോസ്‌ മെത്രാപോലീത്ത തിരുമേനി ഭാരതത്തിലെ ക്രൈസ്തവ സഭകളുടെ സംഗമ വേദിയായ നാഷണൽ കൗൺസിൽ ഓഫ് ചർച്ചസിന്റെ ദേശീയ പ്രസിഡണ്ടായി തിരഞ്ഞെടുക്കപ്പെട്ടതിൽ അഭിവന്ദ്യ തിരുമേനിയെ അഭിനന്ദിക്കുകയും യുവജനപ്രസ്ഥാനം കേന്ദ്ര കമ്മിറ്റി അംഗങ്ങളുടെ ആദരവുകളും ആശംസകളും രേഖപ്പെടുത്തുകയും ചെയ്തു. ഇദം പ്രഥമമായിട്ടാണ് മലങ്കര സഭയിലെ ഒരു മെത്രാപ്പോലീത്ത ഈ സ്ഥാനത്ത് എത്തുന്നത് എന്നുള്ളത് ഏറെ അഭിമാനകരമാണെന്ന് യോഗം ഏകകണ്ഠമായി അഭിപ്രായപ്പെട്ടു.
യുവജനപ്രസ്ഥാനത്തിന്റെ നവതി വർഷത്തിൽ സംഘടിപ്പിക്കേണ്ട പരിപാടികളെക്കുറിച്ച് വിശദമായി ചർച്ചകൾ നടത്തപ്പെട്ടു.

മുളന്തുരുത്തി സമ്മേളനം വമ്പിച്ച വിജയമാക്കി തീർത്ത എല്ലാവരോടുമുള്ള നന്ദി അഭിവന്ദ്യ പ്രസിഡന്റ് തിരുമേനി അറിയിച്ചു

ഓ സി വൈ എം ഐ സെല്ലിന്റെ ആഭിമുഖ്യത്തിൽ സംഘടിപ്പിക്കുന്ന യുവജന ശാക്തീകരണ പദ്ധതിയായ പ്രൊജക്റ്റ് എംഎന്റിന്റെ ഉദ്ഘാടനം അഭിവന്ദ്യ പ്രസിഡന്റ് തിരുമേനി നിർവഹിച്ചു.

മലങ്കര സഭ മഹിതാചാരന്മാരുടെ ചിത്രങ്ങൾ ആലേഖനം ചെയ്ത ഐസൻ നെയിം സ്ലിപ്പുകൾ പ്രകാശനം ചെയ്തു.

എംബിസി എൻജിനീയറിങ് കോളേജിലേക്ക് ഓ സി വൈ എം ഐ സെല്ലിന്റെ ആഭിമുഖ്യത്തിൽ നൽകപ്പെടുന്ന 10 ലക്ഷത്തോളം മൂല്യം വരുന്ന ഓ സിവൈഎം മെറിറ്റ് സ്കോളർഷിപ്പുകൾ പ്രഖ്യാപിച്ചു.

മലങ്കര സഭയെ തകർക്കുവാൻ ഗൂഢാലോചന നടത്തിക്കൊണ്ട് വാർത്തകൾ സൃഷ്ടിക്കുന്ന ഓൺലൈൻ ചാനൽ വഴി പരിശുദ്ധ സഭയുടെ കുന്നംകുളം ഭദ്രാസനം മെത്രാപ്പോലീത്തായും യുവജനപ്രസ്ഥാനത്തിന്റെ അധ്യക്ഷനുമായ അഭിവന്ദ്യ ഡോ. ഗീവർഗീസ് മാർ യൂലിയോസ്‌ തിരുമേനിയെ അപകീർത്തിപ്പെടുത്തുന്ന തരത്തിൽ പ്രസ്താവന നടത്തിയ മുൻ അസോസിയേഷൻ സെക്രട്ടറി ജോർജ് ജോസഫിന്റെ നടപടിയെ യോഗം അപലപിക്കുകയും അമർഷം രേഖപ്പെടുത്തുകയും ചെയ്തു.

പ്രസ്ഥാനത്തിന്റെ കേന്ദ്ര അസംബ്ലി ജൂലൈ 22ന് ഇടുക്കി ഭദ്രാസനത്തിന്റെ ആഭിമുഖ്യത്തിൽ സമ്മേളിക്കുവാൻ തീരുമാനിച്ചു. നവതി വർഷങ്ങൾ ആഘോഷങ്ങളുടെ ഭാഗമായി സെപ്റ്റംബർ 21ന് ഗോവയിൽ വെച്ച് യുവജനപ്രസ്ഥാനത്തിന്റെ നേതൃ സംഗമവും നടത്തും