കുവൈറ്റ് അപകടത്തിൽ മരണമടഞ്ഞ പ്രവാസി സഹോദരങ്ങൾക്കു ആദരാഞ്ജലികൾ അർപ്പിച്ചുകൊണ്ട് ഓർത്തഡോക്സ് ക്രൈസ്തവ യുവജന പ്രസ്ഥാനം പ്രവാസി സെല്ലിന്റെ ആഭിമുഖ്യത്തിൽ അശ്രുപൂജ എന്ന പേരിൽ പ്രാർത്ഥന നടത്തപ്പെടുന്നു. ഇന്ന് വൈകിട്ട് ഇന്ത്യൻ സമയം വൈകിട്ട് 9 മണിക്ക് ഓൺലൈൻ ആയി നടത്തപ്പെടുന്ന പ്രാർത്ഥനയിലേക്ക് ഏവരെയും സ്വാഗതം ചെയ്യുന്നു
http://meet.google.com/qbj-ubsk-foq
കുവൈറ്റ് ദുരന്തത്തിൽ മരണപ്പെട്ട ക്രൈസ്തവ യുവജന പ്രസ്ഥാനം സജീവ പ്രവർത്തകനും നിരണം ഭദ്രസനത്തിലെ മേപ്രാൽ സെന്റ് ജോൺസ് ഓർത്തഡോക്സ് പള്ളി ഇടവക അംഗവുമായിരുന്ന തോമസ് ഉമ്മൻ (ജോബി)യ്ക്ക് ആദരവുകൾ അർപ്പിച്ചു ക്രൈസ്തവ യുവജന പ്രസ്ഥാനം. പ്രസ്ഥാനം പ്രസിഡന്റ് അഭിവന്ദ്യ ഡോ. ഗീവർഗീസ് മാർ യൂലിയോസ് മെത്രാപോലീത്ത ഭവനത്തിൽ എത്തി പ്രാർത്ഥനകൾ നടത്തുകയും കുടുംബംഗങ്ങളെ ആശ്വാസവചനങ്ങൾ അറിയിക്കുകയും ചെയ്തു. ജോബിയുടെ ഭൗതിക ശരീരം ഭവനത്തിൽ എത്തിച്ചപ്പോൾ യുവജന പ്രസ്ഥാനം ജനറൽ സെക്രട്ടറി ഫാ. വിജു ഏലിയാസ് ട്രഷറർ പേൾ കണ്ണേത്ത് എന്നിവർ സന്നിഹിതരായിരിക്കുകയും പ്രസ്ഥാനത്തിന്റെ അനുശോചനങ്ങൾ കുടുംബത്തെ അറിയിക്കുകയും ചെയ്തു. തുടർന്ന് വൈസ് പ്രസിഡന്റ് ഫാ ഷിജി കോശി അച്ചന്റെ നേതൃത്വത്തിൽ പ്രസ്ഥാനം കേന്ദ്ര സമിതി അംഗങ്ങൾ ഭവനത്തിൽ എത്തുകയും പ്രാർത്ഥനകളും അനുശോചനസന്ദേശം നൽകുകയും ചെയ്തു.
പ്രിയ സഹപ്രവർത്തകരെ മുൻവർഷങ്ങളിൽ യുവജന പ്രസ്ഥാനത്തിന്റെ നേതൃത്വത്തിൽ ദുഃഖവെള്ളിയാഴ്ച വൈകിട്ട് സന്ധ്യാ നമസ്കാരത്തിന് ശേഷം ദുഃഖവെള്ളി ജാഗരണം പള്ളികളിൽ വച്ചു സംഘടിപ്പിക്കുന്ന ഒരു പതിവ് ഉണ്ടല്ലോ. ഈ വർഷവും അത് മുടക്കം കൂടാതെ നടത്തുവാൻ ഏവരും ശ്രദ്ദിക്കണമേ. ഫാ വിജു ഏലിയാസ് ജനറൽ സെക്രട്ടറി – OCY
മണിപ്പൂരിലെ നരഹത്യക്കെതിരേ പ്രതിഷേധ ജ്വാല:
കുവൈറ്റ് : സെൻറ് സ്റ്റീഫൻസ് ഇന്ത്യൻ ഓർത്തഡോക്സ് ക്രൈസ്തവ യുവജന പ്രസ്ഥാനം 2023 ജൂൺ 23 വെള്ളിയാഴ്ച്ച വി.കുർബാനയ്ക്ക് ശേഷം പ്രതിഷേധ ജ്വാല തെളിയിച്ചു. ഓർത്തഡോക്സ് ക്രൈസ്തവ യുവജന പ്രസ്ഥാനം പ്രസിഡന്റ് അഭിവന്ദ്യ ഡോ. ഗീവർഗീസ് മാർ യൂലിയോസ് തിരുമേനിയുടെ ആഹ്വാന പ്രകാരം മണിപ്പൂരിൽ ക്രൈസ്തവർ നേരിടുന്ന അക്രമങ്ങൾക്ക് എതിരെ തദവസരത്തിൽ മണിപ്പുർ പീഡിത ജനതയ്ക്ക് വേണ്ടി പ്രാർത്ഥിക്കുകയും, ഐക്യദാർഢ്യം പ്രഖ്യാപിക്കുകയും ചെയ്തു. ഇടവക വികാരി ജോൺ ജേക്കബ് അച്ചൻ പ്രാർത്ഥനകൾക്ക് നേതൃത്തം നൽകി, കൽക്കട്ടാ ദദ്രാസന കൗൺസിൽ അംഗം ശ്രീ ഷാജി വർഗീസ്, ഇടവക ട്രസ്റ്റി ശ്രീ ജെയിംസ് ജോർജ് , ഇടവക സെക്രട്ടറി ശ്രീ മിനു വർഗീസ് , OCYM യൂണിറ്റ് സെക്രട്ടറി ശ്രീ ബിജോ ഡാനിയേൽ കൊച്ചുതറയിൽ , ട്രഷറർ ശ്രീ ഫെലിക്സ് മാമച്ചൻ, OCYM കമ്മിറ്റിയംഗങ്ങൾ , പ്രസ്ഥാനം പ്രവർത്തകർ, ഇടവക വിശ്വാസി സമൂഹം ഏവരും പ്രാർത്ഥനയിൽ പങ്കാളികളായി…
.
വിവിധ യുണിറ്റുകളിൽ നടന്ന പ്രതിഷേധ പരിപാടികൾ
കൊച്ചി ഭദ്രാസന യുവജന പ്രസ്ഥാനം വാർഷിക സമ്മേളനം 2023 ജൂൺമാസം പത്താം തീയതി തേവര സെൻറ് തോമസ് ഓർത്തഡോക്സ് സിറിയൻ പള്ളിയിൽ വച്ച് നടത്തപ്പെട്ടു. കൊച്ചി ഭദ്രാസന മെത്രാപോലിത്ത അഭി.Dr. യാക്കൂബ് മാർ ഐറേനിയോസ് സമ്മേളനം ഉദ്ഘാടനം ചെയ്തു . യുവജന പ്രസ്ഥാനം കേന്ദ്ര ജനറൽ സെക്രട്ടറി റവ. ഫാദർ വിജു ഏലിയാസ് പ്രധാന ചിന്താ വിഷയഅവതരണം (Wholistic Wellness)നിർവഹിച്ചു. കൊച്ചി ഭദ്രാസനത്തിന്റെ (എറണാകുളം – മുളന്തുരുത്തി മേഖല) ചാരിറ്റി സംരംഭമായ ആർദ്രത റിലീഫ് സെന്ററിനെ കുറിച്ച് റവ. ഫാദർ ബെന്നി ഡേവിഡ് സംസാരിച്ചു. കേന്ദ്ര യുവജന പ്രസ്ഥാനം EWS ( Economically Weaker Section) സെല്ലിന്റെ പ്രധാന ചുമതല നിർവഹിക്കുന്ന ഡോക്ടർ ഐപ്പുരു ജോൺ EWS മായി ബന്ധപ്പെട്ട മാർഗ്ഗ നിർദ്ദേശങ്ങൾ നൽകി. തുടർന്ന് റവ. ഫാദർ സജി മേക്കാട്ട് (അഡ്മിനിസ്ട്രേറ്റർ ഓഫ് ഐ.എ.എസ് ഹബ്ബ്, തിരുവനന്തപുരം) പ്രധാന ചിന്താവിഷയമായ “Wholistic Wellness “നെ ആസ്‌പദമാക്കി ക്ലാസ്സെടുക്കുകയും ചെയ്തു. റവ. ഫാദർ ഫിലിപ്പ് കുര്യൻ ഭവന കൂദാശയിലെ ഗാനങ്ങൾ പഠിപ്പിച്ചു. ഭദ്രാസനത്തിലെ യുവജന പ്രസ്ഥാനം പ്രവർത്തകർക്കിടയിൽ കലാ-കായിക -സാംസ്കാരിക -പഠന മേഖലകളിൽ പുരസ്‌കാരം നേടിയവർക്കുള്ള സമ്മാനദാനം അഭി. തിരുമേനി നിർവഹിച്ചു .തുടർന്ന് ഭദ്രാസന യുവജന പ്രസ്ഥാന വാർഷിക പൊതുയോഗം അഭി. തിരുമേനിയുടെ അധ്യക്ഷതയിൽ കൂടുകയുണ്ടായി . എറണാകുളം മേഖല ഓർഗനൈസർ സുബിത്ത് എസ് നൈനാൻ അനുശോചന പ്രമേയം അവതരിപ്പിക്കുകയും, കൊച്ചി ഭദ്രാസന ജനറൽ സെക്രട്ടറി ദിയേറി പി ജോയ് റിപ്പോർട്ട് വായിക്കുകയും, കൊച്ചി ഭദ്രാസന ട്രഷറർ തേജസ് പണിക്കർ 2022-2023 വർഷത്തെ വരവ് -ചെലവ് കണക്ക് അവതരിപ്പിക്കയും ചെയ്തു .ഭദ്രാസനത്തിലെ ഏറ്റവും മികച്ച യുവജന പ്രസ്ഥാനം യൂണിറ്റിനുള്ള ട്രോഫി, കട്ടിലപ്പൂവം St.Mary’s യുവജന പ്രസ്ഥാനത്തിനു അഭി . തിരുമേനി നല്കി . സമ്മേളനത്തിന് കൊച്ചി ഭദ്രാസന വൈസ് പ്രസിഡൻറ് റവ. ഫാദർ പോൾ ജോർജ് സ്വാഗതവും ജനറൽ സെക്രട്ടറി ദിയേറി പി ജോയ് കൃതജ്ഞതയും അറിയിച്ചു.
ദേവാലയ സമർപ്പണ ശുശ്രൂഷ നടത്തപ്പെട്ടു
~~~~~~~~~~~~~~~~~~~
മലങ്കരയുടെ മഹാ പരിശുദ്ധനായ പരുമല തിരുമേനിയാൽ സ്ഥാപിതമായ ഉള്ളന്നൂർ വലിയ പള്ളിയുടെ ശതോത്തര രജത ജൂബിലി ആഘോഷങ്ങളുടെ ഭാഗമായി നവീകരിച്ച വിശുദ്ധ മദ്ബഹായുടെയും ഹൈക് ലായുടെയും സമർപ്പണ ശുശ്രുഷ 10ാം തീയതി ശനിയാഴ്ച്ച സന്ധ്യാ നമസ്ക്കാരത്തെ തുടർന്ന് ഇടവക മെത്രാപോലീത്താ അഭി. ഡോ. മാത്യൂസ് മാർ തിമോത്തിയോസ് തിരുമേനിയുടെ മുഖ്യ കാർമ്മികത്വത്തിൽ ശുദ്ധീകരണ ശുശ്രൂഷ നടത്തി സമർപ്പിക്കപ്പെട്ടു.
ചിത്രങ്ങളി
ലൂടെ
